ວໍຊິງຕັນ – ສະຖານທູດສະຫະລັດໃນນະຄອນຫຼວງຂອງເວເນຊູເອລາໄດ້ເປີດຄືນໃໝ່ໃນວັນຈັນ, ຫຼັງຈາກກອງທັບສະຫະລັດໄດ້ບຸກໂຈມຕີປະເທດແລະຈັບກຸມປະທານາທິບໍດີຂອງເວເນຊູເອລາປະມານສາມເດືອນທີແລ້ວ.
ກະຊວງການຕ່າງປະເທດສະຫະລັດກ່າວໃນຖະແຫຼງການວ່າ, “ມື້ນີ້ພວກເຮົາກັບມາປະຕິບັດງານຢູ່ສະຖານທູດຢ່າງເປັນທາງການ, ເຊິ່ງເປັນການເປີດບົດໃໝ່ໃນການມີໜ້າທາງການທູດຂອງພວກເຮົາໃນເວເນຊູເອລາ,” ໂດຍກ່າວຕື່ມວ່າການເປີດຄືນໃໝ່ຄາດວ່າຈະເສີມສ້າງການພົວພັນໂດຍກົງກັບລັດຖະບານຊົ່ວຄາວ, ສັງຄົມພົນລະເຮືອນ, ແລະພາກເອກະຊົນ.
ສະຫະລັດໄດ້ຄ່ອຍໆຟື້ນຟູສາຍພົວພັນກັບເວເນຊູເອລາຫຼັງຈາກຮອງປະທານາທິບໍດີເວເນຊູເອລາເຂົ້າຮັບໜ້າທີ່ເປັນປະທານາທິບໍດີຊົ່ວຄາວຫຼັງຈາກການຈັບກຸມທ່ານມາດູໂຣໃນວັນທີ 3 ມັງກອນ.
ສະຫະລັດແລະເວເນຊູເອລາໄດ້ຕັດສາຍພົວພັນທາງການທູດໃນປີ 2019 ເມື່ອປະທານາທິບໍດີສະຫະລັດ, ໃນຊ່ວງວາລະທຳອິດຂອງລາວ, ໄດ້ຮັບຮູ້ຜູ້ນຳຝ່າຍຄ້ານໃນເວລານັ້ນເປັນປະທານາທິບໍດີຊົ່ວຄາວຂອງເວເນຊູເອລາ, ໂດຍກ່າວຫາທ່ານມາດູໂຣວ່າໂກງການເລືອກຕັ້ງປະທານາທິບໍດີ.
